شووووووووب… حررررررررر…. شمسسسسسسسسس
مش عارف أنام… الناموس مكملها علي.. الشوارع زحمة… البلد مش نايمة…. الميه مقطوعة…..
النهار طوييييييييل.. حتى التلفزيون ممل
أولاد الجيران قدام شارع بيتنا 24 ساعة.. متى راح يرجعوا لدوام المدرسة ويريحونا
مناظر الملابس الصيفية ايشي "مخزي" وخاصة للبنات.. الله يهدينا
اللون الأخضر معبي جنبات الطريق متمثل بالبطيخ "المهرمن" أوالمسقي من مياه المجاري بعيد عنكم.. واذا حبينا نغير اللون الأخضر راح يصير برتقالي ( شمام)
الطريق مسكر .. شو فيه؟؟ زفة عرس!! موسم الأعراس!!
اطلاق نار .. شكله الحرب قامت؟؟ لأ.. ابن فلان نجح بالتوجيهي بمعدل 56 !! رجعنا؟!!
الجو نار والاسعار نار.. وفرصة لأصحاب العقارات لجمع أكبر قدر ممكن من غنائم الصيف
الشوارع زحمة.. والسيارات فوق بعضها,.. وتكاسي ما بتلاقي.. والناس مافي مكان الا وعاملينه خنقة سير..
وان كنا حابين نغير جو ونطلع من البيت ورضينا انه نتحمل أزمة السير.. ما راح تلاقي مكان نقعد فيه.. سواء أماكن عامة أو مطاعم ومولات.. عالم بتخبط ببعضها.
حتى الأكل ما اله طعم.. متعة الاشباع والجوع ليس لها مكان هنا بالصيف.. طبعا هادا لسه ما حكينا عن أكلات الصيف.. الكوسا والباذنجان والبامية والفاصولياء
اخوانا المغتربين بيجوا بصيفوا عندنا واحنا ملصقين بمكانا ما بنطلع نغير جو ونصيف برات البلد متلهم
كل هالاحاسيس والمشاعر تنتابنا عند حلول الصيف.. وقمة التناقض عند حلول الشتاء نكون بانتظار الصيفية لنبتعد عن روتين الشتاء .. وسبحان من خلق الحياة ونوع وأبدع في خلقه وفي تدبير كونه
